SOCIAL MEDIA ZIRTIRNA : Vala Sailo

Engvangin nge Social Media zirtirna pek kan ngaih tak mai ni ang? A hnuaia pont hrang hrangte hi Social Media inzirtir kan mamawh chhan thenkhat an ni ang:

MEDIA : Tun thlenga Media lama thawk kan sawi chuan PRESS mite hi a langsarber pawl an la ni awm a sin. Tin, TV Network lama  thawk te pawh an langsar viau ta mai. TV ah NEWS kan thlir nasa in heng atang hian khawvel hmun hrang hranga thil thlengte kan lo hria in, a thla kan lo en theih phah thin a. Media lama thawktu te thawhrah nitin kan seng thin a nih hi. An chhuanawm hle mai.

            Media chi hrang hrang a awm a: New Paper/Magazines, Radio leh Television, Internet leh thildangte hi Media kan hmuh theih kangsar te an ni. Media lam a thawktu te hi ram hrang hrang, hmun hrang hrang tlawh kual reng an nih avangin mi hriat an hlawh em em a, heng vangte pawh hi a niang mitam takin Media mi nih kan chak thin a ni. Eizawnna tha tak leh hna zahawm tak a nih bawk avangin Media lama eizawng tur hian University lamah kumtin a sang tel an inziaklut thin a ni.

            Media khawvela eizawng tur leh hnathawk tur erawh chuan awlsam taka zuanlu ve theih erawh a ni hauh lo. Mipui rawngbawlna tur a nih avangin tehna hrang hrang a tam in, Media miten an tih tur leh an tihloh turte nasa taka zir ngai erawh a ni. MEDIA mi ni tur hian thil pawimawh em em 5-a awm a, chungte chu in sawi dawn the ang:

Five Core Principles of Journalism

1. Truth and Accuracy

Journalists cannot always guarantee ‘truth’, but getting the facts right is the cardinal principle of journalism. We should always strive for accuracy, give all the relevant facts we have and ensure that they have been checked. When we cannot corroborate information we should say so.

2. Independence

Journalists must be independent voices; we should not act, formally or informally, on behalf of special interests whether political, corporate or cultural. We should declare to our editors – or the audience – any of our political affiliations, financial arrangements or other personal information that might constitute a conflict of interest.

3. Fairness and Impartiality

Most stories have at least two sides. While there is no obligation to present every side in every piece, stories should be balanced and add context. Objectivity is not always possible, and may not always be desirable (in the face for example of brutality or inhumanity), but impartial reporting builds trust and confidence.

4. Humanity

Journalists should do no harm. What we publish or broadcast may be hurtful, but we should be aware of the impact of our words and images on the lives of others.

5. Accountability

A sure sign of professionalism and responsible journalism is the ability to hold ourselves accountable. When we commit errors we must correct them and our expressions of regret must be sincere not cynical. We listen to the concerns of our audience. We may not change what readers write or say but we will always provide remedies when we are unfair.

1. Technology-in professional thil vantlang hnenah a pe: Media thil hi mi bik, journalist lam hna thawkte tih tur anga ngaih a ni ṭhin a. Tunah chuan thiamthil thar lo awm zel avangin chu tihphung chu a lo inthlak a. WhatsApp: hi kum 6 kalta Jan 2010-a inṭan chauh a ni a, Tunah hian Whatsapp hmang 1.5 billion zet an awm tawh a ni. Kan vaiin publisher, broadcaster, promoter, advertiser, kan lo ni thei ta. Media ethics, professional journalist-te chauh hriat leh hman tur anga ngaihte kha, kan zavaia kutah a lo awm ta mai si a, Hei hian khawvel pum awmphung a thlak a.

2. Do lovin Chhawr rawh: Hmanrua leh thiamthilte hi Pathianin mihring hnena a pek a ni a. Do lovin chhawr tum zawk tur a ni. Social media hi Islamic State leh Kristiante leh Neih inang inkawp pawlte nen kan inṭawm vek a. Chhawr ṭangkai ber nih tum mai hi Kristiante tih tur a ni.

3.  A ṭhatna: Sawi ngai lovin kan hre sa awm e. Hriatna (Chanchin thar, hriatthiamna, ngaihdan) min pe a, thil min zirtir a, chhinchhiah, dahṭhat, changthlan, reference tur min pe a. Nupui pasal zawnna leh counselling hmanrua a ni a, Rang leh man tlawm taka inpawhna a ni a. Khawtlang chhungkua, kohhran, pawl leh ṭhianzaho insuihkhawmna remchang a ni a, ṭanpui ngaite ṭanpuina hna tam tak social media hmang a hlenchhuah a ni.

ATHAT LOH NA TE:-

A ṭhat lai vekin Setanan thiam takin a ram laknan a hmang mek a. Chungte chu kan sawi dawn a ni.

1. Atchilh Natna: A ṭhat avang tak hian ṭhenkhatin an uar ta lutuk a, a tel lova famkim lo ni hiala inhriatna an nei a. An thu chhuah lo ngaihventu an awm rualin milar nia inhriatna an nei a, an chapo ṭhin. Mi aia fing, bengvar, sawi thiam, anga lan tumna leh ni tak taka inhriatna kan buaipui hle. Pathian aw leh an awmna hmuna thil tak tak aiin, khawl kawchhung khawvel (virtual world) ah an cheng a, ramhmangaihna leh ram veina nei lovin ho takin an nung thei a ni.
   Mizoram hi piangthar lemchang tamna tam a ni. Social media hi chhungrila ṭhatna awm si lova ṭha lem chan ti awlsam lehzualtu atan Setanan remchangah a hmang mek a ni tih i hria ang u.

• Relations tibuai: Thuruk sawi a awl a, inkhalh fal a awl a, inngaizawngte leh nupa te mai ni lovin uirena hmanrua a ni thei a, mi mal, chhungkua kohhran leh khawtlang a tibuai ve thei a ni.

• Sum senral a tam: A pawisa zawngin kan hek phah hle. A man to leh ṭha kher neih kan tum hi thil ṭul lo  tak a ni. Pen neih ṭhat vangin tumah kan inngaisang chuang lo ang velah hian i ngai ang u. Leisak ni lova mahni sum ngeia lei te hi a chhuanawm bik a nia. Tin, kan top-up-na hi tu sum nge? Kan phone thlabi senso nge tam kan faith promise? Kan senral leh kan hmanna hi a inman tak tak em? Hriatna kan dawn leh kan sum sen hi a inman tak tak em? Inenfiah a hun hle. Company te hian mipui min inchuh a, a free an tih hian a free tak tak lo. Kan rilru leh kan hun min khawhralsak a ni. Nasa takin ralchah dawrah thil kan chah a. Mamawh ni lovin kan duhzawngah kan buai a, Mizoram ṭhalaite hian Kohhrana sum lut tur tamtak hetah hian kan khawhral mek a ni.
  Kan hun kan tihek nasa hle bawk. Hnathawhna, eizawnna, lehkha zirna, lehkhabu chhiarna leh chhungkaw inkawmhona hun kan tihek a, thil ṭul lo kan post hian a lo chhiartute hun kan tihheksak bawk.

• Awlsamna Natna: Tun hma lam kha chuan Kohhran bial khat te hi chanchinbu semin kan kal chhuak a. Tualchhung/Veng te pawh kan intlawhpawh tha viau thin. Tunah chuan, heng hmanraw hrang hrang avang hian, ṭhalaiten a taka inpan kan harsat tial tial a. Khawhar inah te, thlan laihnaah te kan zelthel phah. Phone hmanga chinfel theih loh chu “A ngaihna awm lo!” kan ti zel dawn a nih chuan phone hi min tichaklotu a ni zawk. Tin, thil naran tamtak kan dawn tam leh lutuk chuan, thu pawimawh tak leh hmanhmawh thlak pawh thu naran emaw tih mai a awl. Naran tuifawnah pawimawh a pil thei tih i hria ang u. Mamawh group-ah chauh tel hi a fing khawp mai.

• Taksa Hriselna: Nikhat ah hian Media hmaa kan hun hman belhkhawm hi darker 8 te, a aia tam mahte pawh a ni awm e. Thenkhat phei chu nileng a ONLINE thei te pawh kan awm niin a lang. Kan taksa hahchawlhna hun tha kan pe lova, nitinin kan taksa in exercise a mamawh a hmu tlem tial tial a. Hrisellohna dangin min tlakbuak fo thin a ni.

• Mi pawi sawi leh lei chawi theihna: Phone hi smart-phone ni mah se, a neitu hi a mawl miau chuan, smart takin kan mualpho fo dawn tihna a lo ni. A awlsamna tak hi duh aia thui kal palh tiawlsamtu a ni. Mi mal leh pawl thuruk thehdarh te, finfiah loh leh dawt thehdarh te, a neitu remtihna lova mi kutchhuak thehdarh te hi lei chawi theihna vek a ni. Tin min ruaitu (sorkar, private…) sawisel leh mahni chaw bel policy kalha thil sawi vak vakte hi theih mah se thil pawi thlen thei a ni a.

• Mihring zia lantirna: Social media hi kan ze lanna remchang a ni. Ṭhenkhat chu inlantir chak chi kan ni a, ṭhenkhat chu inthup chi kan ni. Ualauva kan tih duh miah loh tur hi a ruka hming thup chuan kan ti hreh lo. Ṭhenkhat chuan mahni inthup chungin mi dang bih thlak leh zar buai kan tum. Mahni nun inthup chunga counselling te hi a hlu vak lo. Fuihna ṭha petu chu rin ngam a ni tur a ni a, rin ngam a nih dawn chuan a inhawn a ngai.

8. Fianrial: Marka 4:34-ah Fianrialah Isuan a zirtirte engkim a hrilhfiah ṭhin tih kan hmu. Fianrial hi Kristiante thlarau chaw lakna a ni. Ṭhian kawm reng tur leh min koh apianga ei reng thei tura siam kan ni lo. Social media hian I fianrial a tichhia em? Social media hmangin mi fianrial i tibuai em? Inngaihtuah ang che.

9. I nihna lantirtu a ni: Philipi 1:27-ah chuan, Engpawh ni sela, in awm dan chu Krista Chanchin Tha nen inmawi phawt rawh se tih ziak a ni. Social Media pawh ni sela, kan thil tih hi Krista chanchin Ṭha nen a inmawi em tih i enfiah ṭhin ang u.

I profiles vel kan han en a, i inlantir duh dan leh i nihna tak tak inmil lo deuh kan hmuh hian kan ringhlel che. Mi mawl deuh hi thu fing deuh forward nasa an ni fo! Dawt sawi i hrat hmel riau! I kum, thiamna, chhungkaw level, eizawnna leh nihna milin i inlantir em? I lawmzawng aṭangin i mizia awm kan hre thei. Rawngbawl tura chhandam sawi laiin ṭhenkhat hi chu mi thu post like tur ringawta chhandam ni awm tak kan ni. Like Machine ni ringawt turin Pathianin min siam lo va, follower ni ringawt lova mahni ngaihdan neia, huai taka puangchhuak a, hnehna puanzar vaia hmahruaitu ni tura siam kan ni.

Mi i biak (phone/text) hun te, i thu sawi te, phone-a i biak dan te hi hmingṭhatna leh mualphona siam thei vek a ni. Mi kan biakin aia upa te leh kan ṭhiante kan biak dan a dang a, chhungkuaa kan nungchang leh biak in chhunga kan nungchang te pawh a danglam ang hian, social media kan hman pawhin, aia upate telna group-ah te chuan ṭawngkam zahawm tak hman tur a ni.

10. Thlalak: Jakoba 1:23 Thu ngaithlatu nia zawmtu ni si lo chu mi, darthlalanga a pianpui hmai ngun taka inen ang chu a ni. A kal bo va, mi eng ang nge a nih a intheihnghilh nghal si ṭhin – tih hi a dik ngawt mai. Kan thlalak hian mi tamtak chu min bum a ni! Kan larpui hi kan hmingchhiat phah  zawk.

I thawmhnaw ngah i show chiam hian i pasal nih kan hlau. I inchei dan hian i pian nalh lo a thup nge a tilangsar? Thawmhnaw mawl tak hmanga nalh deuha  i inchei thiamzia i show hian i fin kan ring. I thlalak zawng zawgah model ang deuha i in-pose vek hian chhungkaw nu ber atana thlan che kan ngam lo. I thlalak tamzawkhi picnic leh chaw ei thla a ni em? I hnathawk lai thla kan hmuh loh chuan ngaihzawn che kan hreh. Nang chu i fel a nih pawhin i thla lakpuite kan en hian kan ringhlel che.  A reng reng thu-ah i kalna apianga i thlalak i post hian i bula awm nuam kan ti lo.Kan privacy i tibuai. Min tizak.

Thil pakhat ka hrilh ang che: A tak aia i thlalaka i lan nalh hian, mi dang i bum hmain nangmah i inbum hmasa ber a, nangmah bak bum i nei chuang lo. Zawhtein ama mei a chhaih a, uiin ama hlimthla a chhaih ṭhin. I hlimthla chhaihin buai chiam duh suh. I thla aiin i tak Lalpan a duh tih hre reng ang che.

11. Fimkhur rawh: Sam 10:9 Sakeibakneiin a pûka a chang ru angin ani chuan fianrialah a chang ru reng thin a… tih ang khan, Social Media hmang hian Setanan a chang ru reng che a, Setana hnehna atan i hmang dawn nge Setanan a hneh dawn che?  1 Kor 15:33 “Bumin awm suh u, ṭhian sualte chuan nungchang ṭha an tikhawlo ṭhin” tih ziak a ni. Social media hmanga ṭhian sualte bum ni lo la, mi dangte bumtu nih hlau hle bawk ang che.

12. Kristiante Finna Media: Thuf: 4:5 Finna nei la, hriat thiamna nei rawh; theihnghilh suh la, ka kaa thu chhuakte hi chhiat lam pansan suh. – tih ziak kan hmu. Kristiante finna media lungphum chu thlarau thianghlim a ni. I thinlunga Thlarau Thianghlim thu post like satliah suh. Delete suh, ngai pawimawh la, Thlarau Thianghlim thusawi chu zawm ang che.

Jeptha khan a fanu a halral ta nge ni ang? Vala Sailo

Kum 2019 Beihrual zirlai pahnihna ah Jeptha leh a fanu chanchin kan zir nawlh mai a. Ngaihven a hlawh viau vin ka ring. Jeptha ai mah hian a fanu chung chang hian mi ngaihven a hlawh nasa a, inhnial theihna tur thil a awm avangin mimal ngaihdan tlar hnihkhat ka ziak ve chak deuh va, ka hriatthiam dan tawkin kan ziak ve chhin a nge.

Jeptha ralbei tur hian a huphurh ve viau niin a lang a, a Pathian hnenah a hmelmate laka hnehna a chan phawt chuan amah lo hmuaktu a hmuh hmasak ber apiang a Pathian hnena hlan an ni ang tiin a intiam ta a nih kha. A chanchin kan chhiar chuan a fanu neih chhun khan alo hmuak ta mauh mai anih kha, Jeptha tan erawh lawmna chi ani tawh lo. Ral rama a lo intiam ang ngeia a Pathian tana hlan a ngai dawn a ni.

Bible ah hian an pafa inbiakna kan hmu a, a fanu hian Pathian hnena hlan tur anih avangin a thiante sawmkhawmin a nulat thianghlimna (Virginity) an sun a nih kha.

Jeptha fanu hi apa hian Puithiam ten halral thilhlan an hlan a, Beram emaw sa dang an talh a, a sa an halral ang hian halral a ni ve ang tih ngaihdan nei tam tak an awm laiin, halral thilhlan ah Beram emaw ransa dang anga t ihhluma halral a nih ringlo zirtu tam tak an awm ve bawk a. Tan chhan nei ve ve in literature khawvelah an thlirna tlang atang thlir ve turin min sawm thin anih hi. Khawizawk emaw tlang a tal chuan nang pawn i thlir ve ngeiin ka ring.

Ka thlirna tlang a tang hi Professor Rabbi Jonathan Magonetheti te thlirna tlang ve tho kha a nia. Tihian au hla kan chham chhin ange aw? A inhmeh vei thluam a sin. Jeptha fanu hi fanu mal niin a lang a, unau dang nei lo, fanu mal tak tak niin a lang. Hei hian apa tan a hlutzia a tichiang mai awm e. Apa in a Pathian tana pek tur/hlan tur a ni tih a hrilh hian a fanu hian a hnial lem lova, nu leh pa thuawih thei tak anih a rinawm. Amaherawh chu a nun chhungril erawh chu lungngaiin a tap tih a lang tih a thu kan chhiar zawm hian a lang thei nghal mai a. Jeptha hian a fanu hi ransa dangte anga tihlum a, halral thilhlan ah a hlan kei chuan ka ring ve ta tlat lo.

Hetiang hi a nih zawk hmel riau mai. Jeptha hian a Pathian hnenah a damchhung atan a rawngbawl turin a hlan ta zawk niin a lang. A chhan chu a fanu hian a thiante a sawmkhawm hian a THIHNA tur sun tur nilovin a nulat thianghlimna (Virginity) sun tur zawk in an kal tlat mai a. Heng hun lai hian Israel hmeichhiate dinhmun ah pasal neih loh chu sawi loh, pasal neih pawn fa neih ngei an duh a. Chu chu an ropuina niin an ring thin a. Fa nei theilo chu Pathian anchhia dawng ah na ngai hial thin.

Ngun taka kan chhiarzawm zel chuan Jeptha fanu hi a damchhungin pasal nei lovin an sakhaw hmun pawimawh tak pakhat ah rawngbawlin a awm niin a lang a. Israel nulate pawn a inpekna chu ropui an tiin a hnenah hian kum tin an kal thin niin a lang. Israelte Pathian khan mihring thisen a ngaipawimawh em em a, milem pathiante hnena hnam thenkhat ten an fa te an hlan thin pawh a duh lovin a sawisel fo thin a nih laia Jeptha fanu thisen chhuah a pawmna tur chhan hi a tlem khawp mai. Jeptha chanchin kan chhiar zel pawn a fanu a tihhlum chungchang a ziak lova, a Pathian hnena a lo intiam tawh chu a tihlawhtling ta tih chiah hi a ziah dan a ni.

Jeptha fanu hi ransa ang tihhlum a, halral anih lohna hian an Pathian tana an hlanna a ti nep chuang reng reng lova. Hetih hun lai hian Hmeichhia nunpuma sakhaw rawngbawlna lama in pe an awm hriat a ni chiah lo bawk a. Hmeiche thenkhat sakhaw hmuna rawngbawltu an awm ve thin thu hmu mah ilang, nulat thianghlimna nen a rawngbawl erawh hriat an awm lem lo. Israelte sakhaw rawngbawlna ah hian hmeichhia hian chanpual an neih ve ziahlan a awm lem lova, chuvang chuan Jeptha fanu chanchin pawh hi ziah a tam ta lo niin a lang. An ziahlan ber erawh chu a inpekna hi ngaihluin Israel nulaten kum tin an sakhaw hmun ruatbikah he hun hi an hmang thin niin a lang a. He an hun hmanna hi Jeptha fanu in a damchhunga rawng a bawlna hmun a nih ngei rin a ni bawk.

CHI DIK TAK NGE A SUAK? Vala Sailo

Vala Sailo, [25.02.2020 10:42]

    

Mizorama Pentecost kohhran (Miz leh NEI) in kan mamawh chu kan doctrin ang taka  tui leh thlarauva piantharna buaipui a ni.Tun thleng hian khawvel a Pentecost family chuan an la thupui ber a. Isua hminga baptisma an chan theih nan leh Thlarauvin a tawng tir ang zela thlarau thianghlima an lo khah theih nan. Keini ram pahnihah chuan he rawngbawlna hi kan Full time a thawk ten an ngaihsak vak lo niin a lang a. NEI  hun a tang khan kan buaipui ve vaklo niin a lang. A rah lo lang ta zel chu Thlarau thianghlim baptisma chang/dawnglo rawngbawltu..keini ho Upa te tiam in kan lo awm ta zel a nih hi. Pentecost family anga khawvel ramdangah insawi a zahthlak ta lek lek mai.     Tun thleng hian Pentecost mite chuan an khawmpui lian ber ah Thlarau Thianghlim an dawn theih nan hun an siam a.an khawmpuiah hun thaber ah prog an dah thin.NEI lamah khan kan ti ngai lovin a lang a,                 

            MizUPC alo din hnu pawh hian kan Assembly ah kan la ti miah lovin a lang.   Enge Pentecost kohhran kan nih chhan tur hi kan chianglo telh telh niin a lang. Kan rawngbawltu tam zawk ten Thlarau lama kan khah theihna turin rawng an bawl ngamlo nge an ti theilo zawk?tih hi zawhna lian tak a ni.   Oneness Pentesost kohhran dik tak chi hi NEI  atang khan tuh in a la awm ve lo a ang riau mai a. Hei hi Miz UPC dinthar anih leh chhan tur niawm takin a lang. Mahse kan la ti meuh silova, engtin nge hma kan lak tak ang le? Administration lamah kan rawngbawltute, kan zavaiin kan tui em em mai te hi a dikin a rinawm loh. Hetianga kan insiamthat nana min tihhran hnua ke kan pen lova hma kan la ngamlo  anih chuan Mizoram chhungah hian Oneness Pentecost diktak hi a thar a rawn chhuak ngeiin ka ring thin.Kan awmhran chhan hi chi dik tak Lalpa phun kha a lo rah chhuah theih nan niin ka ring thin. Chi dik tak hmanga Lalpa phun kha NEI ah khan a suak alo chang ta a.Miz UPC  hi a suak leh tho tur em ni ang?Kan vaia kan ngaihtuah a, kan insiam that a va hun ta ve le!

KRISMAS LEH KUMTHAR RUAI VALA SAILO

(Kum 2018-a ka ziah)

            Ka sawi zing tawh bawk a, ka ziak tawh miah lovang ka ti thin a. Amaherawh chu hmasawn thei kan ni tih ka hriat avangin tlem tal kan ziak leh teh ang. Kum 2018 Krismas leh Kumthar Ruai theh hmabak kan nih kha mawle….

            Mizo Kristian ten Ruai nen a kan lawm ziah chu Krismas leh Kumthar hi a ni awm e. Kan ruai buaipui dan hi a danglam nasa ve ta hle mai a. Amaherawh chu a bikin Pentecost kohhran chhungah hian danglamna a la tam lovin a lang. Chuvang chuan tah hian tawite in ziah I tum leh ang aw?

1. Kohhran thenkhatah chuan mumal takin Catering committee an lo nei tawh a. Chung zingah chuan Durtlang Mel-5 kohhrante hi entirna atan  han la chhuak ila. Chawimawina emaw Krismas leh Kumthar ruai atan te a hrana ruat an ngai tawh lova, Member ten hma an la nghal char char mai a. Hetianga mumal taka committee emaw neih sa thatna chu an hmasawn ngaihna laite, an tihfuhloh laite awlsam takin Memberten an len let thei a  ni.
2. Ruai kan buatsaih a pianga tihautak tu pakhat chu Ran a pum khera talh kan tum hi a ni. Ran a puma talh kan rel hma in, Kan ruai siam turah a MENU kan rel hmasak a fuh fo maithei. Vawksa ringawt emaw Bawngsa ringawt emaw han tih vak aiin, ITEM tam thei turin PRIVATE CATERING ho buatsaih ang deuh hian sa pawh chi hrang tam se, sa chikhat siam tlur aiin a eitu tan a manhla zawk.
3. Eitur siamtu chu amah a thianghlim ang bawkin a eitur siam a thianghlim tur a ni. Kohhran tam takah chuan HMUITUAM, LUKHUM,KUTKAWR thlengin an hmang tawh a. Ruai kiltu tan an chet thianghlim avangin a ei a nuam em em thin. Hmun thenkhatah erawh hetiang hman hi a FATU lamin zuk duh miah lova mawle. Hmasawn hi a har thin a nia!!!!
4. Tunlai ah chuan NITIN pawh sa hmeh duh tan hmeh theih turin leitur a awm reng tawh a. Chuvang chuan a bika kan RUAI siamni ah hian kan SA nen a in balance tur THLAI kan siam thiam a hun ta hle mai. Mizo BAI te, BAWL te, DEN te, TLAK te..etc hetiang hunpui ah hian kan leklam thiam a tha khawp mai.
5. Thang lo thar zelah hian Non-Veg (SA EILO) an lo awm ta nual mai. Mi zawng zawng hi sa ei vek tura kan ngai a nih chuan kan tisual der mai dawn a ni. Chuvang chuan NON_VEG ei tur hi tuihnai tak kan siamsak thiam a hun ta hle mai.
6. Krismas leh Kumthar hi Kohhran hun pawimawh a nih avangin kohhran chhungkaw tin ten kan theih ang ang sum pai kan thawhkhawm thin a, nidanga kan ei ngailoh emaw, kan ei phakloh te kan inhluina hun atan hma thiam a tha khawp mai. Khawthlang ramte chuan hengni ah te leh hun thenkhatah TURKEY ngeite ei ve an tum a, harsa tak chung pawn an ti hram hram thin.
7. Ei leh In hi krismas leh kumthar kan hman chhan nilo mahse, chhungkaw bila hman kohhran in a duhloh avangin kan la hmang ho hram hram a. Chuvang chuan kan zavaia atana kan hmasawn nan kan RUAI buatsaih tur hi ilo UR lawk teh ang. Kan MASI KOMITI ten uluk takin han rel sela, kan FATU tura an ruat ten an thiam han SHOW sela, Buhfai chum thiambik, sa siam thiambik, Bai siam thiambik……kohhran mipuiin kan nei tih hi han lantir teh se.

Bethlehem Bial PYD tan Vala Sailo

(He articles hi ka ziah ni leh thla ka hre ta chiah lo, Bethlehem bial thalaiten Thlarau lam malsawmna kan dawn vak laia ka ziah erawh a ni)

Genesis 35:2 Tichuan Jakoban a chhungte leh a hnena awm zawng zawngte hnenah chuan, “In zinga mi dang pathian awmte chu dah bo daih ula, intithianghlim in silhfente thlak rawh u”..

Mathaia 14:13 Mi sanga hrai thu Tin, anni chuan a hnenah, “Hetah changper panga leh sangha pahnih chauh kan nei a ni,” an ti a. Tin, a ni chuan, “Hetah ka hnenah han la rawh u,” a ti a. Chhangper panga leh sangha pahnih chu a la a, van lam enin mal a sawm a, a phel a, chhangperte chu zirtirte hnenah a pe a, tin, zirtirte chuan mipuite hnenah an pe a. Tin, an vaiin an ei a, an puar ta hlawm a:

Lalpa thlarau thianghlim chuan silhfen thar min pek a duh a, he Bial atang ngei hian chu kawr chu min hak tir a tum a, ava ropui em! Kan neihsa bakah a thar min duansak ta a nih hi.

Hun rei tak tang khan thlarau lam malsawmna kan dawng nasa khawp mai a, nimahsela kan fimkhur tawkloh avangte pawh a niang, kan malsawm dawn chuan min tithianghlim chuang lo fo mai. Tun tum a kan silhfel thar hi chuan thianghlimna a keng tel nghal a ni. Lalpa mithmuha thianghlimlo zawng zawngte min hriattir a, min kalsan tir a tum tlat a ni. Tin, he malsawmna hian Lalpa chibai kan bukna ah hian kan thinlung zawng zawng, kan rilru zawng zawng, kan chakna zawng zawng LALPA pe turin min zirtir a, chumi avang chuan thupek ropuiber SHEMA pawh kan sawirual thin a nih hi.

Kan hriatthiam phakloh atangin min zirtir a, a hmanrua atan mihring tlawm tak tak a hmang a,nimahsela LALPA thu anih avangin zah takin kan kalpui zel a,malsawmna pawh kan la dawnbelh zel a nih hi. Kan inkhawm a piang deuhthawah thlarau thianghlimm dawngthar an awm zel a, LALPA hi ava tha em!

Thlarau lam malsawmna kan duh luat avanga mihring rama nasa taka kan pawng beih chiamna min kalsan tir a, thlarau lam chu fimkhur a tul zia min hmuh tir a, mihring lam remruatna LALPAN a pawm loh ziate pawh kan lo hmuh tawh kha. Mihring lam remruatna a tla vek a, “LALPA i thu thu in awm kan duh e” tih ram ah min dinpui a ni. Kan inkhawmzo zel a la ngai dawn nge dawnlo pawh kan hre lawk lova, thupuangtute pawn an hrelawk bik chuang hek lo. Engpawhnise, LALPA erawh zawngin tum pakhat chiang tak a neih kan sawi theih chu MIN SIAM THAR A, MIN DIN THAR A, MIDANG TANA EI TUR NI TURA MIN BUATSAIH A NI.

Tin, he hlimna boruak hian hun rei tak kan kalsan tak LENGKHAWM min siamthar sak a, hlim taka fak hla sa a LALPA kan han chawimawi leh te hi a bik takin kan rual U ten an hlimpui tur niin a lang. He boruak atang hian DAWHTHEIH a ngaih thin zia te, THUAWIH a pawimawh zia te,THIANGHLIMNA LALPAN a ngaihpawimawhzia te kan hmu chiang hle mai. Chhungten an tur hle pawh a lam thei lo te pawh kan RILRU ah LALPAN a mah fak chakna min pe thar a, LALPA chauh en chunga kan lam te hi a va tha em!

CHHANGPER PANGA LEH SANGHA PAHNIH

He thu hi LALPA hnen atanga kan hriattirh lai khan a awmzia kan rilru theuvin kan zawng a, kan hrefiah mai theilo a nih kha. Kan kal leh hret a, LALPAN Bethlehem Bial kohhran 7-te hi Zoram tana chhangper leh sangha ni tura min ruatna a ni tih kan hre ta a nih kha. He thil hi sawi nawn ka duh tlat a ni.

Lal Isuan khawvela rawng a bawl lai khan a mah zuitu mi sang tamte riltam chu chhangper panga leh sangha pahnih hmangin a hraipuar tih kan hriat vek kha. He bial chhunga thalaite hi chhangper leh sangha, mite ei atana CHAW nih turin LALPAN min duh a nih hi. Chhangper ni tur chuan nasa
taka sawngbawl a ngai. A thlai chi TUH, SENG, DEN, HMEH te leh thildang tam tak, CHHANG ni tura kalkawng a awm ang. He bial kohhran Bethlehem VT, Venghlui,ITI, Salem leh Mualpui te hi Chhang ni tura puankan ni a. ZOAR leh Bethlehem te Sangha ni tura puan kan nih kha.

Zoram hi han thlir teh u, Pathian thutakah leh thlarauvah a riltam zia hi. Hem mipui riltamte tana eitur pe chhuak tur hian he bial hian LALPA-ah mawhphurhna a nei ta anih hi. Kan thlen chin theuhvah hian Thutak leh thlarauvah hmasawn kan tum ang. Mahni hlimna tawk chiah pai thei kan ni ta lo, mipui riltam te ei theih theuh ni turin KEIMAHNI theuh kan inbuatsaih a ngai ta a ni. Kan inbuatsaihna ah hian LALPA thu BIBLE chhiar tam te, fianrial tawngtaite, a huhova tawngtai programme te kan neih fo a ngai ngei in a rin awm.

Tunah chuan Thalaite zingah he boruak hian bul a tan a, thalaite mai bakah naupang, nu leh pa te thlengin a la kangkai zel tur a ni ang. Lalpa duhna thar nei ila, social media lama kan thinlung tlan nasa tak te pawh lo tawp sela, nitin Bible chhiar in , a tam thei angber mahni awmhmun leh remchangah tawngtaina nei ang u. REVIVAL ropui tak an sawi thin lo intanna leh lo chhuahna Khua, kohhran, Bialte hian rim takin LALPA hnena tawngtaina an lo nei thin tih te i hre thar leh ang u.

Thlaru thianghlim la dawnglo te pawh he hun ah hian zuanglut zel ila, LALPAN kan duhna te alo hre reng anga, min lo pe mai dawn a ni.